Uffants e famiglias

Quista sporta as drizza a tuot ils uffants tanter 0 e 5 ons insembel cun ün creschü chi tils accumpogna, da s‘inscuntrar per tadlar ün'istorgia our da la Bibla, per chantar e zambriar, per giovar e per mangiar üna marendina. Ils Sainins han lö illa sala cumünala ad Ardez tanter las 09.30 e las 11.00. Il program in sai svess cumainza a las 10.00 e düra ca. 20 minuts. Dürant il temp avant e davo pon ils uffants giovar ed ils creschüts han occasiun da barattar pled.

Ils „Sainins“ dessan esser ün lö, ingio cha’ls uffants pon scuvrir ed approfundir lur cretta e lur experienzas cun Dieu, ed a listess mumaint ün lö chi promova la cumpagnia tanter uffants e creschüts.

Tuot ils uffants a partir da 4 ons sun cordialmaing invidats da tour part a la predgina. 

D'utuon e d'inviern gnina ün pêr jadas insembel illa biblioteca ad Ardez per tadlar istorgias our da la Bibla, per imprender a cugnuoscher chanzuns e per zambriar.

La predgina ha lö la dumengia da las 10.00 fin las 11.00.