Cults divins

Noss cults divins han lö illas baselgias dad Ardez, Ftan e Guarda. La predgia es in rumantsch vallader, tanteraint però eir per tudais-ch. Cura ed ingio cha las predgias han lö, vain publichà i'l plan da predgia.

Dürant la stà daja plüs cults divins cumünaivels sco il cult divin alpester sün l‘Alp Laret da Ftan, il cult divin tradiziunal a Sur En d‘Ardez, l’inscunter cun la raspada da Zernez a Gonda (Lavin) ed ün cult divin illa baselgia da Giarsun (Guarda).

La festa da la racolta celebraina insembel cun la raspada catolica in möd ecumenic. Eir il cult divin da la Saira Soncha illa baselgia catolica ad Ardez e'l cult divin i'l rom dal di da schoppa celebraina ecumenic.