Onurar l'uman
Tour cumgià dad ün uman amà, fa mal. Nus nu pudain surtour per Els la dolur dal cordöli, ma nus pudain accumpagnar ad Els dürant il temp da portar led. Ün funaral güda a far ün pass illa nouva situaziun. Cun musica, silenzi, uraziun ed ün impuls dal punct da vista cristianaivel tiran adimmaint a la famiglia, als amis ed a la raspada funebra la vita dal trapassà. Quai dà forza.
Ch’Els as drizzan per plaschair in cas dad ün mortori a la ravarenda da Lur raspada e ch’Els infuorman l’administraziun cumünala. Pro tscherts cumüns es avant man ün agüd per in cas da mortori e sepultüra chi muossa l’andamaint in cumün. La ravarenda passa jent pro Els per sclerir ils detagls dal cumgià. Ch’Els fetschan il bain dad infuormar scha’l trapassà ha express giavüschs ed ha relaschà alch in scrit per cha quai possa gnir integrà illa ceremonia da cumgià.
Vossa ravarenda Tils sustegna jent.
