Cun famiglia ed amis
Lessan Els as unir sco pêr? Nus Tils accumpagnain jent pro quist pass e dain fuorma, insembel cun Els, a las nozzas in üna da nossas baselgias. La copulaziun es, tenor la vista evangelica, üna festa da benedicziun. Il rom dal cult divin e la preschentscha da la famiglia e dad amis mettan in evidenza l’importanza particulara da quist mumaint. Blers pêrs as regalan ün anè sco segn da la colliaziun vicendaivla.
Premissa per nozzas in baselgia es la marida pro’l stadi civil. Implü sto esser ün dals partenaris commember da la baselgia. Copulaziuns ecumenicas esa pussibel da far, pretendan però la preschentscha dals ravarendas refuormà e catolic. Sün giavüsch pon Els, sco pêr, eir as laschar benedir – sainza copulaziun civila preliminara.
Autorisada/autorisà per copulaziuns e benedicziuns es la ravarenda da Lur raspada. Ella ha plaschair dad imprender a cugnuoscher ad Els sco pêr.
